Diabetes Kya Hota Hai Aur Kaise Control Kare | Diabetes Treatment in Hindi

5.00 avg. rating (96% score) - 3 votes

Diabetes Kaise Hota Hai Aur Diabetes Treatment me Kya Kare Aur Kya Nahi

Overview

Diabetes bahut hi common bimari hain hai jo kisi bhi age ke logo ko ho sakti hai. Aaj diabetes puri dunia me kroro logo ko hai aur aise lakhon ko hai jinko pata nahi hai ke unko diabetes ki bimari hai.

Diabetes ka abhi koi sthayi ilaz ya fir kahe ke Diabetes treatment abhi sambhav nahi hai lekin aap agar daily habits aur khane peene  ka thoda dhayan rakhe to diabetes ko control kiya ja sakta hai.

Chaliye aaj hum aapko Diabetes ke bare me puri jankari denge aur sath me ye bhi batayenge ki Diabetes ke symptoms kya kya hote hain, diabetes se kaise bache, diabetes me diet kya rakhe, kaunsi exercise kare aur sath em Diabetes ke gharelu nuskho ke sath diabetes me kya nahi karna chahiye ya fir diabetes ke patients ko kya karne se bachna chahiye.

Diabetes Kaise Hota Hai

Diabetes ek aisi bimari hai jisme hamre shareer (Body) me blood glucose (Blood Sugar) ki matra kafi badha jati hai, jiske karan hamara shareer glucose ka sahi se upyog nahi kar pata hai, isiliye common language me kuch log diabetes ko Sugar bolte hain.

Diabetes me blood sugar badhne ka main karan ye hota hai ke ya to Agnashaya (pancreas) puri matra me insulin nahi bana pata hai ya fir bilkul bhi insulin nahi bana pata hai, jisase glucose hamari body ki kosikao (body cells) tak nahi pahunch pata hai aur wo glucose blood me hi reh jata hai.

Yahan par aap kuch asamanjash (confusion) me honge ke ye insulin, glucose kya hota hai, to chaliye me bata deta hun:-

  1. Insulin hamare jeewan ke liye bahut hi mahatavpurn hai aur ek aisa hormone hain jo agnyaashay (pancreas) dwara banaya jata hai, jo ki glucose shareer ke koshikaon (body cells) mein pravesh karane ki anumati deta hai.
  2. Glucose hume carbohydrate ko pacha ke liver dwara banaya jata hai. Agar aapko diabetes hai to aapka shareer glucose ka sahi se upyog nahi kar pata hai aur wo glucose khoon (blood) me ghulta jata hai aur blood suger ki matra bahut badh jati hai aur shareer ki kosikao ko glucose nahi milne ke karan shareer me thakawat, kamjori, weight kam ho jana, aadi hone lagta hai. Glucose hamare shreer k liye ke tarah se petrol ka kaam karta hai, jiske karan ham khel sakte hain, aur kaam kar sakte hain sabhi kaam karne ki energy deta hain aur aam taur par hamaare jeevan jee sakata hai.

Diabetes Symptoms (Lakshan)

Diabetes ko aap asani se pata kar sakte hain, bahut se logo ko diabetes ke bare pata nahi hota hai aur jab bahut jyada badh jati hai tab unko pata chalta hai magar tab tak unka blood sugar bahut jyada badha chuka hota hai jiske karan bahut si pareshaniya unko jhelni padhti hain. Niche diye points ko agar aap dekh lete hain to aap diabetes ko control kar sakte hain aur unko jyada badhne se roka ja sakta hai.

1. Bahut jyada pyas aur bhuk lagna
2. Baar baar peshab (Urine) jana
3. Ekdum se wajan (weight) badhna ya ghatna
4. Jyada thakaan ka hona
5. Kahin chot lagne ka jaldi theek nahi hona
6. Blood presser ka kam hona
7. Pair me thakaan ya pair larkhadana
8. Dhundla (blurry) dikhna
9. Pet dard ya fir baar baar ultiya (vomating) ka hona
10.Shareer ya twacha (skin) me jyada khujli (itchy skin) ka hona, skin sankrman (skin infections)

Upper diye huye symptoms (lakshan) agar dikhte hain to turant apne doctor ko dikhaye aur apna blood ki janch karwaye. Kyu ke jitna jaldi aap diabetes ka pata laga lenge to usko control me krna bhi utna hi aasan rahega.

Diabetes ke Prkar (Types of Diabetes)

Diabetes mukhya prkar se 2 type ki hi hoti hai Type 1 & Type 2. Lekin hum yahan 3 prkar ki diabetes ki baat karenge kyu ke diabetes 3 types me payi jati hai Type 1 , Type 2 aur Gestational Diabetes (ye diabetes jyada pragnent mahilawo me ho jati hai).

Diabetes Type 1

Type 1 diabetes suruwati diabetes hoti hai, jo 90% anuwansik hoti hai(family se milti hai), isme hamari body Insulin ko bana hi nahi pata hai. Type 1 diabetes jyadatar 40 years se kam ke logon me payi jati hai.

Type 1 diabetes kewal 10% diabetes persons me payi jati hai. Iss prakar ki diabetes me rogiyo ko insulin lena padta hai aur unko blood glucose ko bilkul santulit rakhna padta hai aur sath hi sath santulit bhojan bhi khana padta hai.

Type 1 diabetes ke rogiyo ko excercise bhi daily karni padti hai jisase ki body ko fit rakha ja sake aur glucose ko control rakha ja sake.

Diabetes Type 2

Type 2 diabetes sabse normal payi jane wali diabetes hain, jo ki jyadatar 20+ years ke logo me payi jati hai. Type 2 ki diabetes ka hone ka main karan insulin ka puri tarah se upyog nahi hona hota hai. Iska matlab yeh hai ke hamari body insulin banati to hain lekin body me fat jyada hone ke karan liver cells insulin ka upyog karte hue glucose ko hamari body cells tak nahi pahuncha pati hai.

Aur jab glucose body cells tak nahi pahuncha pati hai to Agnyashya(pancreas) ko insulin banane ki jyada awshyakta hoti hai, lekin wo sahi se use nahi ho pata hai aur ek aisa samay aata hai jab hamari Agnyashya(pancreas) insulin banana band kar deta hai. uske baad mareej ko Type 2 Diabetes ka ilaz suru karna padta hai.

Type 2 Diabetes ke sabse bade symptoms hote hai jaise ki baar baar urination(peshab jana), bahut jyada pyas ka lagna, wajan ka achanak se bahut jyada kam ho jana, kamjori ka hona ye sab aasani se dikhne wale lakshan hote hain.

Type 2 Diabetes me patients ko apni lifestyle ka kafi khayal rakhna padta hai aur aage bhi ussi ke anusar chalna padta hai. type 2 diabetes me daily habits ko sahi se dhayan rakhna, excercise karna, santulite bhojan karna, chalna ghumna sab bahut jaruri ho jata hai.

Gestational Diabetes

Gestational Diabetes ek aisi diabetes hai jo ki pregnent mahilawo ko ho jati hai. Jyadatar Gestational Diabetes pregnent mahinlawo ko dusri ya teesri timahi(trimester) me hoti hai. Jin Mahilao jo Gestational Diabetes payi jati hai unko pregnancy se pahle koi diabetes nahi hoti hai, aur bacha hone ke baad ye diabetes bhi apne aap theek ho jati hai.

Gestational Diabetes kaise hota hai iske bare me bhi hum aapko yahan puri jankari denge. Gestational Diabetes hone ke khatre ke kuch mukhya karan yahan niche diye gaye hain.

1. Overweight(Motapa) hone ke karan
2. Jinko Gastric problem hoti hai
3. Jinko pichle pregnancy me bahut bada bacha hua ho(4.5kg/10lb ya fir isase jyada)
4. Family me kisi ko diabetes hua ho(parents, brother, sister)
5. South Asia, African, Carribean ya middle east ke ho unke me hi Gestational Diabetes hone ka khatra rahta hai

Gestational Diabetes se bachne ke liye pregnancy ke dauran apna diabetes test jarur karwaye, aur doctor ki salah anusar apna aur apne hone bache ka khayal rakhen.

Diabetes ke Bachav Aur Kaise Control Kare

Diabetes ko control karne ka sabse pahle step hota hai diabetes ke bare me janna, jo ki hum pahle hi aapko bata chuke hain. Ab tak diabetes kya hota hai, kaise hota hai aur ye bhi jaan chuke hian ke diabetes kitne types ki hoti hai jab aap ko ye sab pata chal chuka hai to sabse pahle apne doctor ko aapni jaanch (check-up) karwaye.

Diabetes me aapka sabse acha khayal jo rakh sakta hai wo aap khud hain kyu ke aapko hi apni health ka bahut ache se khayal rakhna hai. Hum niche kuch tips batana chahenge jinki shayta se aapko kafi fayda hoga aur aap apni diabetes ko aur ache se control kar sakenge.

Diabetes ko aapko daily, monthly, yearly aur puri zindagi control karna padega tabhi aap apne zindagi ko normal life ki tarah jee sakenge. Agar aap apni health ka ache se khayal rakh sakenge to aap diabetes se hone bimariyo se bacha sakte hain jaise ki, heart attack, stroke, kidney ka fail hona, andhpan (blindness).

Diabetes ko control karne ka gurumantra hai ke aap apne “Blood Suger ko control karna hoga”. Ye jitna padhne me aasan hai utna h nahi but agar aap thodi se mehnat karenge aur niche likhe huye tips ko apnayenge to jarur safal ho jayenge.

1.  Apna Blood Suger Check Karte Rahe
2.  Apna blood Glucose ko hamesha control me rakhe
3.  Diabetic diet plan banaye aur hamesha usse sakhti(strictly) follow kare aur khana hamesha apne doctor ke bataye anusar hi khaye
3.  Meetha(Suger) khane pe sabse jyada control kare
4.  Smoking or drinking karte hain to iss aadat ko turant chor de, diabetes me ye jahar ke saman hai
5.  Excercise ko daily routine banaye aur ye kabhi nahi bhule
6.  Jyada se jyada shareerik kaam kare, aur apne aap ko fit rakhein
7.  Jyada se jyada hari sabjiya khaye
8.  Insulin lene ko kaha gya hai to isulin ko time pe lena nahi bhule
9.  Apne feets(pair) ka dhayan rakhe koi chot to nahi lagi hai ya fir koi sujan(sores/swelling) to nahi hai jo aasani se theek nahi ho rahi ho.
10. Apne teeths(daant) ka khayan rakhe, daily brush kare aur muh saaf rakhe

Diabetes Ke Gharelu Nushkhe/Upchar

Diabetes me Ayurvedic dawain bahut hi asardaar hoti hain aur ye baat adhunik doctoers bhi maan chuke hain. Ek Hindustani hone ke karan aap bhi Ayurved ka mahav samjhte honge kyu ke jab Alopathic nahi tha tab Ayurved se badi se badi bimari theek ho jati thi.

To chaliye me aaj yahan kuch gharelu nuskhe batane ja raha hun jinko agar aap apnayenge to aapko Diabetes me bahut acha asar dekhne ko milega ki aap madhumeh ka ilaz kar sakte hain.

1. Karela(Bitter Gourd) se Medhumeh ka Ilaz Kare

Karela bahut hi mahatavpurn (important) hai diabetes me ya fir kahe hi diabetes me karela ramban ki tarah kaam karta hai. Karele ka juice bana ke 100-150 ml ki matra me subah khali pet piye to aapko ashchyajanak fayda milega.

Karele ka upyog aap sabji ke roop me bhi kar sakte hain, sabji banaye aur khane me khane se bahut fayda karta hai, ya fir karele ka churn bana ke bhi upyog kar sakte hain.

2. Aalovera(Gawarpatha) se Sugar Kam kaise Kare

Diabetes ko kaise control kare iska jawab Aalovera me chupa hua hai, kyu ke Aalovera me diabetes ko khatam karne ka gun hote hain. Madhumeh ka ilaz me aalovera bahut hi mahatavpurn bhumika nibhata hai.

Aalovera ko aap raat me pani me bhigo de aur subah uska rash nikal ke pi sakte hai, sabji bana sakte hain, ya fir jab wo fresh hota hai tak uske upri chilke ko utar ke usase niklne wale ras ko piya sakta hai. Aalovera ek aisa jari buti hai jisme diabetes jo jadd se khatam kar sakta hai.

3. Jaamun (Black Plum or Indian Black Berry) se Diabetes Kam kaise kare

Jaamun ka fruit bhi Madhumeh ke ilaz me kafi fayda karta hai. Isliye Jaamun k mausam me Jaamun khana mis na kar de. Jo kahawat hai na ke “Aam ke aam aur guthliyo ke Daam” ussi prkar Jamun ko pahle kha le aur jo uski guthli bachti hai usko sukha ke uska churn(mixture) bana le ye bahut hi jyada fayda kart hai.

4. Gehu ke Jvare(Wheatgrass) se Diabetes Control Kaise Kare

Wheatgrass bhi Diabetes ko control karne me bahut kaam aata hain. Gehu ka Jvar(Wheatgrass) bahut se bimariyo ka ilaz hota hai aur ye Madhume ka ilaz me bhi bahut kaam karta hai. gehu ko achi jameen me bo de aur jab kuch din ke baad jab gehu ugg aaye aur iske chhoti chhoti pattiya nikal aaye ussi ko Gehu ka Jwara kaha jata hai aur unko khane se Diabetes ke marijo ko bahut jayda karta hai.

5. Amla (Indian Gooseberry) se Diabetes Kam Kaise Kare

Amla hamesha se ek bahut hi mahatavpurn jadi buti mana jata hai, aur Amla bahut hi gunkari hota hai. Amla me Vitamin C bahut bharpur matra me paya jata hai isliye Agnyshsya ko sahi se kaam karne me madad karta hai.

Kuch Amle le aur unke beej nikal ke unka paste bana le aur fir kisi kapde me uss paste ko daal ke uske rash(Juice) ko ache se nichod le fie uss juice ko ek Gilass me pani ke sath pi isase Diabetes ke bachav me kafi madad milegi.

Diabetes Kam Karne Ke Liye Excercises

1. Walking(Paidal Chale)

Walking ek bahut hi aasan excercise hai jisse koi bhi kahin bhi kar sakta hain. Jitna jyada ho chale, kam se kam daily 30 minute ko chale ki aadat bana le. Chalne se sara shareer kaam karta hai aur stress duur karta hai.

Type 2 diabetes ke rogiyo ko ek week me kam se kam 3 din(150minutes) chalne ki salah di jati hai, aur yahan dhyan dene wali baat ye hai ke ek saptah me roj 2 din(not go more than two consecutive days) se jyada kabhi bhi nahi chale.

2. Swimming se Diabetes Kaise Control Kare

Swimming(tairaki) ek aur aerobic exercise(Vyayam) hai jo ki madhemeh ko theek karne me kafi madad karta hai. Type 2 Diabetes ke rogiyo ko karne me kafi aasan hai kyu ke swimming Joints me koi jor nahi dalti hai.

Swimmimg unke liye bahut kargar hoti hai jinko walking karne me dikkat hoti hai, isliye swimming ko diabetes ke ilaz me apni daily habbits me jarur samil kare.

3. Yoga se Diabetes Kaise Control Kare

Yoga se kya nahi theek hota, na jane kitni hi research me ye sabit ho chuka hai ke Yoga se diabetes me bahut sare fayde hote hain. Yoga aisi excercise hai jisko karne k liye aapko kahin jana nahi padega ya fir koi aur mehnat nahi karni padegi, Yoga ghar baithe kahin bhi kar sakte hain.

Yoga se aap niche k shreer ke fat ko kam kar sakte hain, fir reh sakte hain, blood flow ko control kar sakte hain, Insulin ko control karta hai, nerve karypranali ko theek rakhta hai. Aur sabse bada fayda hai ke Yoga Stress ko theek karta hai.

4. Aerobic Exercise Kar ke Diabetes ko Control Kare

Aerobic Exercise karne se hamare body ki badi maspeshiyo ki jarurat padti hai jisase dil ki raftar tej hoti hai, fat kam hota hai aur fit rahme me madad karta hai. Aerobic Exercise me aap running, hiking, sidiya chad sakte hain, dance kar sakte hain, cycle chala sakte hai isi prakar ki koi bhi exercise kar sakte hain.

5. Weight Training ya Mucsle Bana Sakte Hain

Bhari exercise bhi kar sakte hain, isase body ka charbi kam hoti aur jyada calory use hogi jisase insulin aur glucose ka santulan bana rahega aur aapko diabetes ko kam karne me badad karega.

Nishkarsh(Conclusion)

Aapne padha ke Diabetes kaise hota hai aur Diabetes ko kaise control kiya ja sakta hai. Hume aasha hai ki yahan di hui jankari aapke liye faydemand sabit hogi aur aap apne Madhumeh ko control karne me safal honge.

Agar aapko hamre dwara di hui jankari se kuch bhi fayda milta hai to isase badhkar hamare liye kuch bhi nahi hai, aur hum iske bare me jarur janna chahenge. Agar aapke pas aur koi nuskhe, sujhav ya fir koi bhi diabetes se juri jankari hai to wo aap hamare baki ke dosto ke sath comments ke dwara sanjha kar sakte hain.


Tags: diabtes kaise hota hai, diabetes ko control kaise kare in hindi, home remedies diabetes, diabetes manage karne ke gharelu nuskhe, madhumeh ka ilaz hindi me, sugar ko kaise control kare, sugar ki bimari ka ilaz

Leave a Reply